للمرة التانية ومعرفش ازاى كتبت شعر
وبرضه كتبته فى القسم هنا عشان موضوعه
وبصراحة انا مش لاقية احلى من القسم الاسلامى اكتب فيه
مش هطول عليكم بس عاوزة رأيكم لانه فـعلا يهمنى
لو فى يوم ضاقت الدنيا بيك
لو فجأة حسيت انك عايش وحيد
والهموم بقت زى البحور بتجرى
والعمر واقف بيك مش عايز يمشى
ولقيت الناس كلها واقفة حواليك
لكن مهما تنادى محدش بيرد عليك
سيب الخلق كلهم واجرى
روح لـربك ومتبطلش تدعى
ارفع ايدك قول بس يارب
هتلاقيه معاك دايما وهيبعد عنك الكرب
بس انت ادعيله بقلبك واشكيله
صدقنى عمر قلبك ما هيخسر لو تجريله
هو خلقك وحاسس بيك
جرب انت بس وظنك فيه مش هيخيب
احن عليك من امك وابوك
واحن عليك من اصحابك لو ساعدوك
ليه بس تزعل وتعيش فى ضيق
قول دايما يارب وهو جمبك بيقويك
عمرك شفت ارحم من المنان
لا طبـعا هيكون ردك؟ ولا نسيت اسمه الرحمن
الشيطان عايزك دايما زعلان
وربك عايزك اكيد فرحان
شوف عايز تمشى مع مين
قلبك مع ربك؟ ولا هتستسلم للشياطين؟